La política de
comunicación ye daqué vital pa una organización política. Lo que nun se
comunica ye como si nun esistiera y lo que se comunica mal pue actuar nel sen
contrariu al so braeru envís. Esto tien mayor importancia n’Izquierda Xunida
porque’l nuesu proyeutu políticu tresformador nun tien les ventayes de los
grandes medios de comunicación del bipartidismu. Ello oblíganos a curiar
sobremanera la forma na que nos dirixir a la sociedá y, especialmente, a les
estayes más desfavorecíes: paraos, precarios, xubilaos, muyeres, mocedá, etc…
La llamada sociedá de
la información allumó nuevos medios y teunoloxíes de la comunicación que nos
dexen un meyor y más efectivu
espardimientu de la nuesa propuesta. Bramente, siguimos en desventaxa colos
grandes medios de comunicación, pero internet supón un ámbito al traviés del
que dar la batalla en meyores condiciones.
La esistencia d’esta
teunoloxía y lo que s’usa anguaño, suponen el fin de les sides pa que los
nuesos afiliaos y simpatizantes nun conozan les ellaboraciones y l’actividá d’Izquierda
Xunida. Tamién, habría de facer de la conocencia y usu básicu d’internet un compromiso
militante, pal que la organización pon a disposición los sos recursos humanos y
materiales. D’esta manera, cada persona venceyada a la organización puede y
tien de convertise nun voceru más de la propuesta política tresformadora qu’ufierta
Izquierda Xunida también nel ámbito dixital, onde tendremos de poner especial
procuru a les redes sociales y al so efeutu viral. Estos espacios déxennos
estender y afondar na nuesa relación colos movimientos sociales, colos que
tamos obligaos al diálogo de contino p’arriquecer la nuesa propuesta política.
Pero amás de tar sollertes
al mediu, también tenemos que lo tar al formatu. La clase maxistral, na que se
fala de los temes de manera estensa, fonda y académica, revélase contraproducente.
Entá tien les sos virtúes pero ente elles nun ta’l ser una construcción
atractiva pa la gran mayoría de la sociedá a la que pretendemos llegar. Na midida
lo posible, hemos de potenciar los formatos audiovisuales que, con ritmu axilosu
y estética curiosa, aumenten la efectividá del mensaxe. Y ye que, si tamos nuna
batalla desigual, siquier, nun refuguemos les armes más potentes al nuesu
algame.
Torna: Oficina Municipal de la Llingua
No hay comentarios:
Publicar un comentario